1. RABBANAA TAQABBAL MINNAA INNAKA ANTAS SAMEE'UL ALEEM

Tarjuma:

Ae hamare rab, hum se ye khidmat qubool farma le, tu sab ki sunene aur sab kuch jan-ne wala hai.

[Al Baqara:127]


2. RABBANAA WAJ'ALNAA MUSLIMAINI LAKA WA MIN ZURRIYYATINAAA UMMATAM MUSLIMATAL LAKA WA ARINAA MANAASIKANAA WA TUB 'ALAINAA INNAKA ANTAT TAWWAABUR RAHEEM

Tarjuma:

Ae Rab, hum dono ko apna muslim ( mutee farmaan ) bana, hamari nasal se ek aisi qoum utha, jo teri muslim ho, hamein apni ibadat ke tareeqe bta, aur hamari kotahiyon se darguzar farma, to bada maaf karne wala aur reham farmane wala hai

[Al Baqara:128]


3. RABBANAAA AATINA FID DUNYAA HASANATANW WA FIL AAKHIRATI HASANATANW WA QINAA AZAABAN NAAR

Tarjuma:

Ae hamare Rab! hamein duniya me bhi bhalai de aur akhirat me bhi bhalai aur aag ke azaab se hamein bacha

[Al Baqara:201]


4. RABBANAAA AFRIGH 'ALAINAA SABRANW WA SABBIT AQDAAMANAA WANSURNAA 'ALAL QAWMIL KAAFIREEN

Tarjuma:

Ae hamare rab hum par sabr ka Faizan kar, hamare qadam jama de aur is kafir giroh par hamein fatah naseeb kar "

[Al Baqara:250]


5. RABBANAA LAA TU'AAKHIZNAAA IN NASEENAAA AW AKHTAANAA

6. RABBANAA WA LAA TAHMIL-'ALAINAAA ISRAN KAMAA HAMALTAHOO 'ALAL-LAZEENA MIN QABLINAA

7. RABBANAA WA LAA TUHAMMILNAA MAA LAA TAAQATA LANAA BIH; WA'FU 'ANNAA WAGHFIR LANAA WARHAMNAA; ANTA MAWLAANAA FANSURNAA 'ALAL QAWMIL KAAFIREEN  

Tarjuma:

Ae hamare Rab! Humse bhool chuk mein jo kasoor ho jayein unpar giraft na kar,

Malik! Humpar woh bojh na daal jo tu-ne humse pehle logon par dale the.  

Parwardigaar ! jis baar ko uthane ki taaqat hum mein nahin hai woh humpar na rakh, hamare saath narmi kar, humse darguzar farma, humpar reham kar, tu hamara maula hai, kafiron ke muqable mein hamari madad kar.

[Al Baqara:286]


8. RABBANAA LAA TUZIGH QULOOBANAA BA'DA IZ HADAITANAA WA HAB LANAA MIL LADUNKA RAHMAH; INNAKA ANTAL WAHHAAB

Tarjuma:

parwardigaar! Jab tu humein seedhe raste par laga chuka hai, to phir kahin hamare dilon ko kaji (crookedness) mein mubtila na kardijiyo. Humein apne khazane faiz se rehmat ata kar ke tu hi fayyaz e haqiqi (ata farmane wala) hai.

[Aal-Imraan:8]


9. RABBANA INNAKA JAMI'UNNASI LI-YAWMIL LA RAIBA FI INNALLAHA LA YUKHLIFUL MI'AAD

Tarjuma:

Parwardigaar! tu yaqeenan sab logon ko ek roz jama karne wala hai, jis ke ane mein koi shuba nahi tu hargiz –apne wade se talne wala nahi hai" ?

[Aal-Imraan:9]


10. RABBANAAA INNANAAA AAMANNAA FAGHFIR LANAA ZUNOOBANAA WA QINAA 'AZAABAN NAAR

Tarjuma:

maalik ! hum iman laye, hamari khataon se darguzar farma aur humein aatish e dozakh se bacha le.  

[Aal-Imraan:16]


11. RABBANAAA AAMANNAA BIMAAA ANZALTA WATTABA'NAR RASOOLA FAKTUBNAA MA'ASH SHAAHIDEEN

Tarjuma:

Maalik! Jo farmaan tu ne nazil kiya hai humne usey maan liya aur Rasool ki pairwi qabool ki, hamara naam gawahi dene walon mein likh le

[Aal-Imraan:53]


12. RABBANAGH FIR LANAA ZUNOOBANAA WA ISRAAFANAA FEEE AMIRNAA WA SABBIT AQDAAMANAA WANSURNAA 'ALAL QAWMIL KAAFIREEN

Tarjuma:

Aey hamare Rab! Hamari galatiyon aur kotahiyon se darguzar farma, hamare kaam mein tere hudood se jo kuch tajawuz ho gaya ho usey maaf karde, hamare qadam jamaa de aur kafiron ke muqable mein hamari madad kar.”

[Aal-Imraan:147]


13. RABBANAA MAA KHALAQTA HAAZA BAATILAN SUBHAANAKA FAQINAA 'AZAABAN NAAR

Tarjuma:

parwardigar! Yeh sab kuch tu ne fizul aur be-maqsad nahin banaya hai, tu paak hai issey ke abas (bekar / in vain) kaam karey. Pas aey Rubb! Humein dozakh ke azaab se bacha le .

[Aal-Imraan:191]


14. RABBANAAA INNAKA MAN TUDKHILIN NAARA FAQAD AKHZAI TAHOO WA MAA LIZZAALIMEENA MIN ANSAAR

Tarjuma:

aey humare rab ! aap jiss kissi ko dozakh mein dakhil kerden , usse aap ney yaqeenan ruswa hi kerdiya . aur zalimon ko kissi qisam ke madadgaar naseeb naa hon ge .

[Aal-Imraan:192]


15. RABBANAAA INNANAA SAMI'NAA MUNAADIYAI YUNAADEE LIL EEMAANI AN AAMINOO BI RABBIKUM FA AAMANNAA

16. RABBANAA FAGHFIR LANAA ZUNOOBANAA WA KAFFIR 'ANNAA SAIYI AATINA WA TAWAFFANAA MA'AL ABRAAR

Tarjuma:

maalik! hum ne ek pukaar ne wale ko suna jo imaan ki taraf bulaataa tha aur kehta tha ke apne rab ko mano. hum ne is ki dawat qubool kar li, pas ae hamare aaqa! jo qusoor hum se hue hain un se dar guzar farma, jo buraiyan hum mein hain unhein daur kardey aur hamara khtama neik logon ke sath kar

[Aal-Imraan:193]


17. RABBANA WA 'ATINA MA WA'ADTANA 'ALA RUSULIKA WA LA TUKHZINA YAWMAL-QIYAMAH INNAKA LA TUKHLIFUL MI'AAD

Tarjuma: 

khuda wand! jo wade too ne –apne Rasoolon ke zariya se kiye hain un ko hamare sath poora kar aur qayamat ke din hamein ruswai me na daal, be shak tu apne wade ke khilaaf karne wala nahi hai. “

[Aal-Imraan:194]


18. RABBANA AAMANA FAKTUBNA MA' ASH-SHAHIDEEN

Parwardigar! Hum iman laye, hamara naam gawahi dene walon mein likh le.

[Al-Maaida:83]


19. RABBANA ANZIL 'ALAINA MA'IDATAM MINAS-SAMAI TAKUNU LANA 'IDAL LI-AWWA-LINA WA AAKHIRNA WA AYATAM-MINKA WAR-ZUQNA WA ANTA KHAYRUL-RAZIQEEN

Tarjuma:

“ Khudaya ! hamare Rubb! Humpar aasman se ek khwan (A table spread with food) nazil kar jo hamare liye aur hamare aglon pichlon ke liye khushi ka mauqa qaraar paye aur teri taraf se ek nishani ho, humko rizq de aur tu behtareen raziq hai”.

[Al-Maaida:114]


20. RABBANA ZALAMNA ANFUSINA WA IL LAM TAGHFIR LANA WA TARHAMNA LANAKOONANNA MINAL KHAASIREEN

Tarjuma:

“Aey Rab, humne apne upar sitam (zulm) kiya, ab agar tu nay humse darguzar na farmaya aur reham na kiya to yakeenan hum tabaah ho jayenge.”

[Al- A'raaf:23]


21. RABBANA LA TAJ'ALNA MA'AL QAWWMI-DHALIMEEN

Tarjuma:

“Aey Rab! Humein in zalim logon mein shamil na kijiyo”.

[Al-A’raaf:47]


22. RABBANAF-TAH BAINANA WA BAINA QAWMINA BIL HAQQI WA ANTA KHAIRUL FATIHEEN

Tarjuma:

Aey Rab, hamare aur hamari qaum ke darmiyan theek theek faisla karde aur tu behtareen faisla karne wala hai”

[Al-A’raaf:89]


23. RABBANA AFRIGH 'ALAINA SABRAW WA TAWAFFANA MUSLIMEEN

Tarjuma:

Aey Rab, humpar sabr ka faizan kar aur humein duniya se utha to is haal mein ke hum tere farma-bardaar hon”.

[Al-A’raaf:126]


24. RABBANA LA TAJ'ALNA FITNATAL LIL-QAWMIDH-DHALIMEEN WA NAJJINA BI-RAHMATIKA MINAL QAWMIL KAFIREEN

Tarjuma:

“humne Allah hi par bharosa kiya, aey hamare Rubb, humein zalim logon ke liye fitna na bana, Aur apni rehmat se humko kafiron se nijaat de.”  

[Surah Yunus:85-86]


25. RABBANAAA INNAKA TA'LAMU MAA NUKHFEE WA MAA NU'LIN; WA MAA YAKHFAA 'ALAL LAAHI MIN SHAI'IN FIL ARDI WA LAA FIS SAMAAA'

Tarjuma:

Parwardigar, tu jaanta hai jo kuch hum chupate hain aur jo kuch zaahir karte hain”. Aur waqayi Allah se kuch bhi chupa hua nahin hai, na zameen mein na asmano mein.

[Surah Ibrahim :38]


26. RABBIJ 'ALNEE MUQEEMAS SALAATI WA MIN ZURRIYYATEE RABBANAA WA TAQABBAL DU'AAA'

Tarjuma: 

Aey mere parwardigar, mujhey namaz qayam karne wala bana aur meri aulad se bhi (aise log utha jo yeh kaam karein) parwardigar, meri dua qabool kar.

[Surah Ibrahim :40]


27. RABBANAGH FIR LEE WA LIWAALIDAIYA WA LILMU'MINEENA YAWMA YAQOOMUL HISAAB

 Tarjuma:

Parwardigar, mujhey aur mere walidain ko aur sab iman lane walon ko us din maaf kardijiyo jabke hisaab qayam hoga”. 

[Surah Ibrahim :41]


28. RABBANA 'ATINA MIL-LADUNKA RAHMATAW WA HAIYI LANA MIN AMRINA RASHADA

Tarjuma:

“aey parwardigar, humko apni rehmat e khaas se nawaz aur hamara maamla durust karde”.

[Al Kahaf:10]


29. RABBANA INNANA NAKHAFU AI-YAFRUTA 'ALAINA AW ANY-YATGHA

Tarjuma:

“ parwardigar, humein andesha hai ke woh humpar zyadati karega ya pil padega(treat us cruelly)”

[Surah Taa-Haa: 45]


30. RABBANA AMANNA FAGHFIR LANA WARHAMNA WA ANTA KHAIRUR RAHIMIIN

Tarjuma:

Ay hamare parwardigar, hum iman laye, humein maaf karde, humpar reham kar, tu sab raheemon se accha raheem hai. 

[Al-Muminoon: 109]


31. RABBANAS-RIF 'ANNA 'ADHABA JAHANNAMA INNA 'ADHABAHA KANA GHARAMA INNAHA SA'AT MUSTA-QARRANW WA MUQAMA

Tarjuma:

“Aey hamare Rab, jahannum ke azaab se humko bacha le, uska azaab to jaan ka laagu hai. Woh to bada hi mustaqar(evil abode) aur muqaam hai”

[Al Furqaan: 65-66]


32. RABBANA HABLANA MIN AZWAAJINA WADHURRIY-YATINA, QURRATA 'AYIONI WA-JALNA LIL-MUTTAQEENA IMAAMA

Tarjuma:

 “Aey hamare Rab, humein apni biwiyon aur apni aulaad se aankhon ki thandak de, aur humko parheizgaaron ka imam bana.”

[Al Furqaan: 74]


33. RABBANA LA GHAFURUN SHAKUR

Tarjuma:

 yaqeenan hamara Rab maaf karne wala aur qadar farmane wala hai.

[Surah Faatir: 34]


34. RABBANA WASI'TA KULLA SHA'IR RAHMATANW WA 'ILMAN FAGHFIR LILLADHINA TABU WATTABA'U SABILAKA WAQIHIM 'ADHABAL-JAHIIM

Tarjuma:

“Aey hamare Rab, tu apni rehmat aur apne ilm ke saath har cheez par chaya hua hai, pas maaf karde aur azaab e dozakh se bacha ley un logon ko jinhon ne tauba ki hai aur tera raasta ikhtiyar karliya hai.

[Al Ghaafir:7]


35. RABBANA WA ADHKHILHUM JANNATI 'ADNINIL-LATI WA'ATTAHUM WA MAN SALAHA MIN ABA'IHIM WA AZWAJIHIM WA DHURIYYATIHIM INNAKA ANTAL 'AZIZUL-HAKIM,

WAQIHIMUS SAIYI'AT WA MAN TAQIS-SAIYI'ATI YAWMA'IDHIN FAQAD RAHIMATAHU WA DHALIKA HUWAL FAWZUL-'ADHEEM

 Tarjuma:

Aey hamare Rab, aur daakhil kar unko hamesha rehne wali un jannaton mein jinka tu ne unsey waada kiya hai, aur unke waldain aur biwiyon aur aulad mein se jo saleh (righteous) hon (unko bhi wahan unke saath pahuncha de). Tu bila shubah qadir e multaq (Most Mighty) aur hakeem(most wise) hai. Aur bacha de unko buraiyon se. Jisko tu ne qayamat ke din buraiyon se bacha diya uspar tu ne bada reham kiya. Yahi badi kamiyabi hai.  

[Al Ghaafir:8-9]


36. RABBANA-GHFIR LANA WA LI 'IKHWANI NALLADHINA SABAQUNA BIL IMANI WA LA TAJ'AL FI QULUBINA GHILLAL-LILLADHINA AMANU

Tarjuma:

“Aey hamare Rab, humein aur hamare un sab bhaiyon ko baksh de jo humse pehle iman laye hain aur hamare dilon mein ehle iman ke liye koi bugz (rancour) na rakh

[Al Hashr:10]


37. RABBANA INNAKA RA'UFUR RAHIM

Tarjuma:

Aey hamare Rab, tu bada meharbaan aur raheem hai”.

[Al Hashr:10]


38. RABBANA 'ALAIKA TAWAKKALNA WA-ILAIKA ANABNA WA-ILAIKAL MASIR

 Tarjuma:

“Aey hamare Rab, tere hi upar humne bharosa kiya aur teri hi taraf humne ruju (turn) karliya aur tere hi huzoor humein palatna hai.

[Al Mumtahana:4]


39. RABBANA LA TAJ'ALNA FITNATAL LILLADHINA KAFARU WAGHFIR LANA RABBANA INNAKA ANTAL 'AZIZUL-HAKIM

Tarjuma:

Aey hamare Rab, humein kafiron ke liye fitna (trial/test) na bana de aur aey hamare Rubb, hamare kasooron se darguzar farma. Beshak tu hi zabardast (mighty) aur daana(wise) hai.

[Al Mumtahana:5]


40. RABBANA ATMIM LANA NURANA WAIGHFIR LANA INNAKA 'ALA KULLI SHAI-IN QADIR

Tarjuma:

aey hamare Rab, hamara noor hamare liye mukammal karde aur humse darguzar farma , tu har cheez par qudrat rakhta hai.things

[At Tahreem:8]