30) Bimar pursi ke waqt mareez ke liye duayen

 

Laa ba-sa, tahoorun in shaa Allah

Koi harj nahi agar Allah ne chaha to yeh bimari (gunaaho se) pak karne wali hai 

Sahih Bukhari (3616)

As-alul laahal 'azeema rabbal 'arshil 'azeemi, an yashfiyak

Mein sawal karta hun badi azmat walay Allah se jo arsh azeem ka Rab hai ke woh tumhe shifa ataa farmaye

Sahih. Abu Dawud (3106), Tirmidhi (2083), Albani ne ise Sahih kaha hai: Sahih Abu Dawud (8:423, no. 2719).

Is hadees mein is dua ki yeh fazeelat warid hai ke jo shakhs kisi aisay mareez ke paas isay parhay ga, jis ki mout ka waqt abhi na aaya ho to Allah usay shifa day day ga.